Забяры, Дзвіна мая быстрая,
Слёзы горкія – стаць шчасліваю.
Ты абмый, Дзвіна, мая Матухна,
Сум са шчок маіх – стаць прыгожаю.
Прасвятлі, Дзвіна мая чыстая,
Вочы смутныя – бачыць лёс-жыццё.
Заспявай, Дзвіна, песню вечную,
Каб пазнаць душой Сутнасць Божую!
З. Лёціна
Дарагія сябры, запрашаю вас зрабіць ляльку-ахоўніцу Дзвіна-Матухна. Я люблю сваю краіну, мой родны Беларускі куточак, раку Западная Дзвіна, на берагах якой стаіць славуты горад Полацк. І я захавала вобраз Дзвіны-Матухны у сваёй ляльцы.
Лялька зроблена па матывах лялькі Катунь(По М.К. Зои Пинигиной http://pinigina.livejournal.com/51860.html Я очень благодарна Зое Пинигиной за куклу Катунь и за идею передать образ реки в кукле).

Абазначэнне сімвалаў і дэталяў, складаючых ляльку.

1.Лялька Дзвіна-Матухна нясе ў сабе вобраз ракі Заходняя Дзвіна, старадаўняй, мудрай, але заўсёды маладой і прыгожай…
2. Аснова лялькі – рабінавыя палачкі, сабраныя у крыж. Гэта вера людская ў Вышнія сілы. А рабіна, да таго ж, лічыцца дрэвам, якое мае выключную абярэгавую моц.
3.Галава з часанага льну – гэта думкі ракі аб чалавеку, які прыходзіць да яе з надзеямі на лепшае і каб распавесці Дзвіне-Матухне свае перажыванні.
4.Белены лён на твары лялькі – прыгажосць, якую рака аддае людзям, забраўшы іхні сум і боль.
5.Блакітная кашуля – адбітак неба ў плыні ракі.
6.Стужачкі ў руках - прытокі рэчак і дажджавыя ніці, якія надаюць сілы і паўнаты Дзвіне.
7.Доўгія прыгожыя валасы, струменна спадаючыя з галавы па целе лялкі – гэта глыбіні часу, лёсу, жыцця і самой ракі. Дзвіна з даўніх часоў карміла людзей і давала ім прытулак на сваіх дабрадайных берагах.
8.Павязка на галаве – прыналежнасць лялькі да беларускага рэгіёна. Рака Дзвіна з’яднала гістарычныя лёсы рускага, беларускага, польскага і літоўскага народаў. Таму, калі маёй ляльцы Дзвіна-Матухна павязаць на галаву стужку адной з пералічаных краін, то лялька будзе вызначаць праналежнасць абярога да гэтага рэгіёна.
9.Пацеркі – гэта росы і слёзы, багацце рачных глыбінь, таямніцы, якія хавае Дзвіна-Матухна.

Захоўваючы ў сабе такі глыбокі сэнс, лялька Дзвіна-Матухна мае вялікую прыцягальнасць і моцны энергетычны патэнціял. Яна надасць уладальніку бадзёрасці, радасці, упэўненасці ў сабе і ў заўтрашнім дні. Прыбавіць натхнення і завядзе унутраны гадзіннік на даўгалецце і здароўе.

Я лічу, што створаная мной лялька Дзвіна-Матухна можа быць цудоўным ахоўнікам (абярогам), сувенірам ці падарункам для жыхароў і гасцей горада Полацка.

Каб зрабіць ляльку-абярог Дзвіна-Матухна нам спатрэбіцца:
1. Рабінавыя палачкі – 29см і 14 см,
2. Пасма часанага льну – для галавы,
3. Шматок белай ільняной тканіны – 17х17 см,
4. Шаўковыя стужачкі сінія, блакітныя і светла шэрыя – 6 стужак па 23 см кожная,
5. Светла-сінія ці блакітныя палоскі тонкай ільняной тканіны для абмоткі рук і цела – шырынёй 1,5 - 2 см,
6. Чырвоныя ніткі,
7. Вязальныя ніткі цёмна-сіняга, цёмна зялёнага, светла зялёнага і блакітнага колераў для валасоў – длінна пасмы 65 см,
8. Абрэзак ільняной тканіны для спадницы – 25х40 см,
9. Стужка з арнаментам сіняга колеру для галавы і кашулі,
10. Стужка з арнаментам зеленаватага колеру для аздаблення спадницы.
11. Пацеркі, каменьчыкі…

Спасдзяюся, што усё зразумела, бо фота дакладна паказываюць, што рабіць і як.

Шчасця вам і любові да роднай зямлі!

Ещё раз низкий поклон и сердечная благодарность Зое Пинигиной За идею и за куклу Катунь.